Bu gün doğma yurduna yola salınan köç karvanı Xocavəndə çatıb, ailələrə mənzillərin açarları təqdim olunub.
“Report”un Qarabağ bürosunun Xocavəndə ezam olunan əməkdaşı xəbər verir ki, mərasimdə Ağdam, Füzuli və Xocavənd rayonlarında Azərbaycan Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
