Türkiyə, Səudiyyə Ərəbistanı və Pakistan hərbi ittifaq yaratmaq üçün pakt imzalayıblar. NTV- nin məlumatına görə, sənədi Türkiyə prezidenti Rəcəb Tayyib Ərdoğan, Səudiyyə Ərəbistanı vəliəhdi Məhəmməd bin Salman Əl Səud və Pakistanın baş naziri Şahbaz Şərif imzalayıblar.
Kanalın Ankaradakı mənbələrinə görə, tərəflər hərbi-texniki əməkdaşlığı inkişaf etdirməyi, Yaxın Şərq də daxil olmaqla regional böhranların həlli üçün səyləri əlaqələndirməyi və kəşfiyyat məlumatları mübadiləsini planlaşdırırlar.
Bəzi ölkələrin “İslam NATO-su” adlandırdığı bir ittifaqın yaradılması ilə bağlı danışıqlar ötən ilin sonlarından bəri davam edir. Onun istiqamətlərindən biri Səudiyyə Ərəbistanı və Pakistanın Türkiyənin Kaan beşinci nəsil qırıcı təyyarə proqramına qoşulması ola bilər. (Tass)