ABŞ və Avropa ölkələri öz maraqlarına zidd olaraq Ukraynadakı münaqişənin həlli təşəbbüslərində iştirakdan yayınır. Bu fikri Macarıstanın baş nazirinin siyasi müşaviri və adaşı Balaz Orban deyib.
“Qərb dünyasının, ABŞ və Avropanın liderlərinin sülhə doğru mənalı addımlardan niyə çəkindiyi aydın deyil” deyə o, Mandiner jurnalında dərc olunan məqaləsində yazıb. “Əgər onlar bunu etməsələr, o zaman statistika göstərir ki, Ukraynada münaqişənin gərginləşməsi ehtimalı artacaq”, – Orban müşaviri əlavə edib.
“Macarıstan hökuməti əmindir ki, hərbi əməliyyatların dayandırılması və sülhün tezliklə bağlanması həm bütün Avropanın, həm də Macarıstanın maraqlarına cavab verir”, – siyasətçi vurğulayıb. Eyni zamanda, o əlavə edib ki, münaqişənin həlli üçün “konkret plan” olmadan da sülh danışıqlarına başlamaq olar. (Tass)