Ermənistanın baş naziri Nikol Paşinyan Tbilisidə keçirilən forumda çıxışı zamanı Azərbaycan prezidenti İlham Əliyevə yüklərin Ermənistana tranzitinə qoyulan qadağanı aradan qaldırdığına görə təşəkkür edib.
“Azərbaycan mühüm addım atıb. Azərbaycan artıq öz ərazisindən bizə yüklərin tranzitinə qoyulan məhdudiyyətləri aradan qaldırır. Prezident Əliyev dünən bu barədə məlumat verib. Mən ona bu qərara görə təşəkkür edirəm və bu təşəbbüsü alqışlayıram. Bir neçə ay əvvəl bu, heç kim üçün ağlına gəlməyən bir şey olardı”, – Paşinyan bildirib.
Azərbaycan üzərindən Ermənistana, sonra isə Gürcüstana gələn ilk tranzit yük, Paşinyanın qeyd etdiyi kimi, Qazaxıstandan buğda olacaq. (Tass)