İrəvanda seçki kampaniyası zamanı Ermənistanın Baş naziri Nikol Paşinyanla mübahisə edən Qarabağ ermənisi Artur Osipyan 23 günlük aclıq aksiyasından sonra prokurorun qərarı ilə həbsdən azad edilib. Bu barədə Ermənistan Prokurorluğunun mətbuat xidməti Facebook-da məlumat yayıb.
“Nəzarətçi prokuror, bir qrup vətəndaş cəmiyyəti nümayəndəsinin təqsirləndirilən Artur Arkadyeviç Osipyana zaminlik vermək istəyi ilə bağlı Ermənistan Baş Prokuroruna və Nəzarətçi Prokurora ünvanladığı vəsatətləri nəzərə alaraq, 10 iyun 2026-cı il tarixində Artur Osipyana qarşı tətbiq edilmiş həbs qətimkan tədbirinin ləğv edilməsi barədə qərar qəbul etdi”, – deyə bəyanatda bildirilir. (Tass)