“Politico” mənbələrə istinadən xəbər verir ki, Avropa Komissiyası və Belçika hökumətinin yüksək səviyyəli nümayəndələri noyabrın 7-də Rusiyanın dondurulmuş aktivlərinin müsadirəsini müzakirə etmək üçün görüş keçirəcəklər.
Nəşrin məlumatına görə, məsələ noyabrın 4-də Aİ-yə üzv ölkələrin maliyyə nazirlərinin müavinləri tərəfindən müzakirə olunub, lakin onlar irəliləyişə nail ola bilməyiblər. Bu, Aİ-yə üzv ölkələrin Daimi Nümayəndələr Komitəsinin noyabrın 5-də planlaşdırılan iclasında müzakirə olunacaq. Bunun fonunda Aİ-nin iqtisadi məsələlər üzrə komissarı Valdis Dombrovskis bəyan edib ki, Rusiya aktivləri ilə bağlı qərar nə qədər yubanarsa, “onların ələ keçirilməsi bir o qədər çətin olacaq”. Rusiya aktivlərini saxlayan Euroclear şirkəti Belçikada yerləşir. Krallıq onların müsadirə edilməsinə mane olur, Aİ-yə üzv dövlətlərdən və Avropa Komissiyasından Rusiya aktivlərinin müsadirə edilməsinə uğurla etiraz edərsə, Belçikanın təkbaşına kompensasiya ödəməyə məcbur edilməyəcəyinə dair zəmanət tələb edir. (Tass)