Federal Təhqiqatlar Bürosunun (FTB) agentləri ABŞ prezident Donald Trampın milli təhlükəsizlik üzrə keçmiş müşaviri Con Boltonun üzərində axtarış apararkən məxfi sənədlər aşkar ediblər. Bu barədə “Politico” məhkəmə sənədlərinə istinadən məlumat yayıb.
Nəşrin məlumatına görə, sözügedən materiallar kütləvi qırğın silahlarına, ABŞ-ın BMT-dəki missiyasına və “ABŞ hökumətinin strateji kommunikasiyalarına” aiddir. Bəzi sənədlərə “gizli” və ya “məxfi” işarəsi qoyulmuşdu. Onlar avqustun 22-də “Boltonun Vaşinqtonun mərkəzindəki ofisində” tapılıb.
FTB agentləri Boltonun Merilenddəki evində də axtarış aparıblar. Orada heç bir məxfi sənədlər qeydə alınmayıb, lakin kompüterlər və digər elektron cihazlar götürülüb. Nəşrdə qeyd edildiyi kimi, FTB-nin axtarış qərarı ilə bağlı müraciətləri ABŞ-ın milli təhlükəsizliyi ilə bağlı məlumatların qeyri-qanuni toplanması və saxlanması da daxil olmaqla bir sıra cinayətlərin sübutlarının axtarışını göstərir.
Avqustun 22-də Fox News telekanalı mənbələrə istinadən xəbər verir ki, FTB Boltonun məxfi sənədlərə malik olması ilə bağlı araşdırma çərçivəsində onun evində axtarış aparıb. Kanalın məlumatına görə, axtarışlar müstəntiqlərin Boltonun hələ də əlində ola biləcəyinə inandığı “potensial məxfi sənədlər” üzərində cəmlənib. Nə nəzarətə götürüldü, nə də həbs edildi. Tramp bildirib ki, o, axtarışdan media xəbərlərindən öyrənib. (Tass)