Polşa səlahiyyətliləri Birləşmiş Ştatlardan inteqrasiya edilmiş hava və raketdən müdafiə komandanlıq və idarəetmə sistemi olan IBCS alacaq. Bu barədə Respublika Müdafiə Nazirliyi məlumat yayıb.
“Cümə axşamı, fevralın 29-da, saat 14:00-da (Bakı vaxtı ilə 17:00 ) Polşa Milli Müdafiə Nazirliyinin Beynəlxalq Əməkdaşlıq Departamentində Vladislav Kosiniyak-Kamış, baş nazirin müavini, milli müdafiə naziri və nazirliyin dövlət katibi Pavel Beyda hava və raket hücumundan müdafiə kompleksi IBCS idarəetmə sisteminin alınmasına dair müqavilənin imzalanması mərasimində iştirak edəcəklər”, – deyə idarənin portalında yazılıb. Amerika avadanlığından Polşanın “Visla” raket əleyhinə müdafiəsi və “Narew” hava hücumundan müdafiə sistemlərində istifadə olunacaq, onun dəyəri 2,53 milyard dollar təşkil edəcək.Sazişin həyata keçirilməsi 2024-2031-ci illər üçün nəzərdə tutulub. (Tass)