Polşa Xarici İşlər Nazirliyinin sözçüsü Macey Vyevyur (Maciej Wiewiur) jurnalistlərə açıqlamasında bildirib ki, Varşava Rusiya ilə diplomatik münasibətləri kəsmək niyyətində deyil.
“Vurğulamaq istərdim ki, biz Rusiya ilə diplomatik münasibətləri kəsmirik”, – deyə Vyevyur TVP Info tərəfindən yayımlanan brifinqdə qeyd edib.
Ritorika.az xəbər verir ki, onun sözlərinə görə, Polşa hakimiyyəti Rusiyanın İrkutskdakı Polşa Baş Konsulluğunu bağlamaq qərarını qəbul edir, çünki Moskva bu addımı qarşılıqlılıq prinsipinə əsasən atıb. Bununla belə, Polşa tərəfi Rusiyanın qərarını əsaslandırmaq üçün ciddi səbəb görmədiyini vurğulayıb.
Polşalı diplomat əlavə edib ki, iki ölkə arasında münasibətlər daha da pisləşərsə, Varşavanın ehtiyatda hələ bir neçə addımı qalır. O, həmin addımların nədən ibarət olduğunu açıqlamayıb.
Qeyd edək ki, noyabrın 19-da Polşanın xarici işlər naziri Radoslav Sikorski dekabrın 23-dən etibarən Qdanskda fəaliyyət göstərən Polşadakı son Rusiya Baş Konsulluğunun bağlanacağını elan etmişdi. Buna cavab olaraq Moskva Polşanın İrkutskdakı Baş Konsulluğunu 30 dekabr 2025-ci ildən bağlamaq qərarını verib.
Ritorika.az