Polşa Silahlı Qüvvələri Ukrayna üzərindən raketləri vurmaq niyyətində deyil, çünki bu, NATO hava məkanını qorumaq respublika ordusunun öhdəsinə düşmür. Bunu “Rzeczpospolita” qəzetinə müsahibəsində Polşa Silahlı Qüvvələrinin Baş Qərargah rəisi Vislav Kukula deyib.
“Xeyr. Bizim mövqeyimiz və [NATO] müttəfiqlərimizin mövqeyi bəllidir. Biz bunu etməyəcəyik. Bu gün alyansın səmasını qorumaq üçün bizim məsuliyyətimiz sərhədlərimizlə müəyyən edilir”, – polşalı general bildirib.
İyulun 8-də Vladimir Zelenski ilə danışıqlardan sonra Polşanın baş naziri Donald Tusk bildirib ki, Varşava NATO müttəfiqləri ilə Ukraynanın qərb hissəsi üzərində Polşa sərhədi yaxınlığında uçan raketlərin vurulması imkanını müzakirə edəcək. Bu müzakirəyə başlamaq zərurəti ilə bağlı məqam eyni gün Varşavada Tusk və Zelenski tərəfindən imzalanan müdafiə və təhlükəsizlik sahəsində uzunmüddətli əməkdaşlıq haqqında ikitərəfli sazişə daxil edilib. (Tass)