Polşa Müdafiə Nazirliyi Ukraynaya çatdırılması nəzərdə tutulan MiQ-29 qırıcı təyyarələrini tədricən sıradan çıxaracaq. Bu barədə Wirtualna Polska portalı mənbələrə istinadən məlumat yayıb.
Qeyd olunur ki, Varşava ilə Kiyev arasındakı razılaşma Ukraynanın öhdəliklərinin bir hissəsini yerinə yetirməkdən imtina etməsi səbəbindən baş tutmayıb. Portal Polşanın müdafiə naziri Vladislav Kosiniak-Kamışın sözlərinə istinadən bildirir ki, “Biz Ukraynaya PUA texnologiyalarının [ötürülməsi] ilə bağlı aydın təklif təqdim etdik. Əvvəlcə bu sahədə razılaşma əldə edilib. Bu gün Ukrayna bu razılaşmanı yerinə yetirmir”.
Portal qırıcıların istismardan çıxarılma tarixini göstərmir.
İyunun 17-də Polşa müdafiə nazirinin müavini Pavel Zalevski bildirib ki, Polşa özünün MiQ-29 qırıcılarını modernləşdirib sonra onları Ukraynaya təhvil vermək niyyətində deyil. (Tass)