Rusiya Prezidenti Vladimir Putin Müctəba Xameneini İranın Ali Lideri seçilməsi münasibətilə təbrik edib. Mesaj Kremlin saytında dərc edilib.
Putin yenidən İslam Respublikasına hücumu silahlı təcavüz aktı adlandırıb.
Bəyanatda deyilir: “İndi İran silahlı təcavüzlə üzləşdiyi bir vaxtda, bu yüksək vəzifədəki fəaliyyətiniz, şübhəsiz ki, böyük cəsarət və fədakarlıq tələb edəcək”.
Putin Müctəba Xameneinin atasının işini şərəflə davam etdirəcəyinə əminliyini bildirib. Rusiya lideri qeyd edib ki, İranın yeni ali lideri İslam Respublikası xalqını “ağır sınaqlar qarşısında” birləşdirəcək.
Prezident həmçinin vurğulayıb ki, Moskvanın Tehrana dəstəyi və həmrəyliyi sarsılmaz olaraq qalır. Putin bildirib ki, Rusiya İranın etibarlı tərəfdaşı olub və olaraq qalır.
Rusiya lideri təbrik mesajında Müctəba Xameneiyə uğurlar, möhkəm cansağlığı və ruh yüksəkliyi arzulayıb. (Tass)