Qaqauziya Muxtar Vilayətinin hakimiyyəti Mərkəzi Seçki Komissiyasının işçi heyətinin tərkibini tamamladıqdan sonra seçkilərə hazırlıqları bərpa edəcək. Moldova Dövlət Kansleri nümayəndələrinin xahişi ilə məhkəmə tərəfindən bir neçə təyinat dayandırılıb. Bu barədə Qaqauziya Xalq Məclisinin (Parlament) səlahiyyətlərini icra edən Nikolay Ormanji brifinq zamanı bildirib.
“Bütün mübahisəli məsələləri danışıqlar masasında həll edəcəyik və Xalq Məclisinə seçkilərin keçirilməsi üçün kompromis axtaracağıq. Artıq məhkəməyə və [Qaqauziyanın İslah Komitəsinə] məktublar yazmışıq. Mərkəzi Seçki Komissiyasının üzvləri olan [yeni] namizədlər hazırlayırıq. Əgər onlar təsdiqlənərsə, Xalq Məclisi seçki tarixini təyin edəcək”, – deyə sədr bildirib.