Bunu AZƏRTAC-a açıqlamasında “Ortaq Dəyərlər” İctimai Birliyinin sədri Aqil Camal bildirib.
Onun sözlərinə görə, forumun təşkilatçısı olan Nizami Gəncəvi Beynəlxalq Mərkəzi artıq uzun illərdir ki, beynəlxalq səviyyədə siyasi və ictimai dialoqun təşviqi istiqamətində mühüm fəaliyyət göstərir. Mərkəzin təşəbbüsü ilə keçirilən Qlobal Bakı Forumu müxtəlif ölkələrdən sabiq prezidentləri, Baş nazirləri, beynəlxalq təşkilatların nümayəndələrini, tanınmış alimləri və ekspertləri bir araya gətirir.
“Müxtəlif siyasi baxışları və regional maraqları təmsil edən siyasətçilərin və ekspertlərin Bakıda bir araya gəlməsi beynəlxalq əməkdaşlığın genişlənməsi və qarşılıqlı anlaşmanın möhkəmlənməsi baxımından mühüm əhəmiyyət daşıyır. Forum çərçivəsində qlobal təhlükəsizlik, enerji təhlükəsizliyi, beynəlxalq iqtisadi əməkdaşlıq, iqlim dəyişiklikləri, regional sabitlik və dayanıqlı inkişaf kimi aktual məsələlər müzakirə olunur. Bu müzakirələr müxtəlif regionlardan olan siyasətçilər və ekspertlər arasında fikir mübadiləsinin aparılmasına, həmçinin qlobal problemlərin həlli yollarının axtarılmasına imkan yaradır. Qlobal Bakı Forumu Azərbaycanın beynəlxalq aləmdə təşəbbüskar və konstruktiv mövqe nümayiş etdirən dövlət kimi nüfuzunun möhkəmlənməsinə mühüm töhfə verir. Forum vasitəsilə Azərbaycan yalnız regional deyil, həm də qlobal miqyasda mühüm siyasi və intellektual müzakirələrin keçirildiyi mərkəzlərdən birinə çevrilir”, – deyə A.Camal bildirib.
Aqil Camal qeyd edib ki, Forumun Bakıda keçirilməsi həm də Azərbaycanın multikultural dəyərlərinin və tolerantlıq ənənələrinin beynəlxalq ictimaiyyətə təqdim olunması baxımından böyük əhəmiyyət kəsb edir: “Azərbaycan tarixən müxtəlif mədəniyyətlərin, dinlərin və etnik qrupların qarşılıqlı hörmət və sülh şəraitində birgə yaşadığı məkan kimi tanınır. Bu xüsusiyyət Azərbaycanın beynəlxalq dialoq və əməkdaşlıq platformalarına ev sahibliyi etməsini təbii və məntiqli edir. Qlobal Bakı Forumu çərçivəsində aparılan müzakirələr də məhz sivilizasiyalararası dialoq, qarşılıqlı hörmət və ortaq dəyərlər prinsiplərinə əsaslanır. Bu Forum Azərbaycanın dünyada multikulturalizm və tolerantlıq modelini təşviq edən ölkə kimi tanınmasına da mühüm töhfə verir. Belə beynəlxalq tədbirlər çərçivəsində dövlətlər və təşkilatlar arasında yeni tərəfdaşlıq imkanları müzakirə olunur, müxtəlif sahələr üzrə əməkdaşlıq perspektivləri formalaşır. Bu isə Azərbaycanın beynəlxalq əməkdaşlıq şəbəkəsinin genişlənməsinə, ölkəmizin regional və qlobal proseslərdə rolunun daha da güclənməsinə mühüm töhfə verir”.
Aqil Camal vurğulayıb ki, belə mötəbər beynəlxalq tədbirlərin Bakıda keçirilməsi Azərbaycanın sülh, sabitlik və əməkdaşlıq ideyalarının təşviqinə verdiyi töhfəni aydın şəkildə nümayiş etdirir.
Ortaq Dəyərlər İctimai Birliyinin sədri vurğulayıb ki, Qlobal Bakı Forumu Azərbaycanın beynəlxalq dialoq və əməkdaşlıq mərkəzi kimi mövqeyini daha da gücləndirən mühüm platformadır. Bu forum ölkəmizin siyasi nüfuzunun artmasına, qlobal problemlərin müzakirəsində fəal iştirakına və beynəlxalq əməkdaşlıq əlaqələrinin genişlənməsinə mühüm töhfə verir. Onun fikrincə, belə beynəlxalq platformalar Azərbaycanın dünyada sülh, qarşılıqlı anlaşma və ortaq dəyərlərin təşviqi istiqamətində oynadığı rolu bir daha nümayiş etdirir və ölkəmizin qlobal dialoq məkanı kimi əhəmiyyətini daha da artırır.