Beynəlxalq Atom Enerjisi Agentliyi (BAEA) nüvə obyektlərini yoxlamaq üçün müfəttişlərini İrana göndərməyə həmişə hazırdır. Agentliyin baş direktoru Rafael Qrossi bu barədə “Rossiya-24” televiziya kanalına verdiyi müsahibədə bildirib.
“Əlbəttə ki, onlar həmişə ora getməyə hazırdırlar. Artıq dediyim kimi, onlar hazırda oradakı ikinci dərəcəli obyektləri (İranda) yoxlayırlar, lakin istənilən vaxt daha vacib obyektlərlə məşğul olmağa hazırdırlar”, – deyə o bildirib.
Qrossi qeyd edib ki, MAQATE-nin İranla bağlı mövqeyi tərəfləri danışıqlar masasına qaytarmaq və agentlik müfəttişlərinin İrana tam qayıtmasına imkan verəcək razılığa gəlməkdir. “Keçən ilin iyun ayında baş verən 12 günlük müharibədən sonra hər kəsin orada bir şey olduğunu bildiyi, lakin bununla bağlı heç nə edə bilmədiyi çıxılmaz vəziyyəti aradan qaldırmalıyıq”, – Qrossi vurğulayıb.
O qeyd edib ki, ABŞ İranda heç bir nüvə fəaliyyəti görmək istəmir ki, bu da Tehranın mövqeyinə ziddir. Qrossinin sözlərinə görə, MAQATE müfəttişləri məhz belə hallarda, əldə edilmiş razılaşmalara əməl olunmasını izləmək üçün lazımdır; əks halda, münaqişənin yenidən başlaması riski var. (Tass)