İspaniya hakimiyyəti, Romanın miqrant axınından sonra 9 avqusta qədər Seutada tətbiq edilən sərhəd nəzarətini ləğv etməməsi halında, İtaliyadan gələn səyahətçilərə qarşı cavab tədbirləri görəcəyi ilə hədələyib. Bu barədə Reuters agentliyi İspaniya hökumətinin bəyanatına istinadən məlumat yayıb.
Sənəddə qeyd olunur ki, İtaliyanın tədbirləri “ədalətsiz, Avropa Birliyinin maraqlarına zidd və İspaniya əhalisinə qarşı ayrı-seçkilikdir”. Madrid ötən həftə Seutaya qanunsuz gələn miqrantların heç birinin Şengen zonası daxilində sərbəst səyahət etməsinə icazə verilmədiyini vurğulayıb. İspaniya hakimiyyəti qeyd edib ki, anklavda qüvvədə olan immiqrasiya qaydaları belə bir ssenarinin baş verməsinə mane olur.
İspaniya hökuməti İtaliyanı 9 avqustdan gec olmayaraq sərhəd nəzarətini ləğv etməyə çağırdı və əks halda cavab tədbirləri görməyə məcbur olacağı barədə xəbərdarlıq etdi. Bəyanatda hansı addımların atılacağı dəqiqləşdirilməyib. (Tass)