Macarıstanın baş naziri Viktor Orban Ukrayna böhranı və enerji təchizatını müzakirə etmək üçün noyabrın 28-də Moskvada Rusiya prezidenti Vladimir Putinlə görüşəcəyini açıqlayıb.
“Bu gün biz Rusiya prezidenti ilə danışıqlar aparacağıq. Mən ora Macarıstanın qış və gələn il üçün sərfəli qiymətə zəmanətli enerji təchizatını təmin etmək üçün gedirəm”, – ” Magyar Nemzet” qəzetinin yazdığına görə baş nazir bildirib. O əlavə edib ki, Ukrayna nizamlanmasının müzakirəsindən “qaçınmaq mümkün deyil”.
Baş nazir vurğulayıb ki, “ucuz Rusiya nefti və qazına çıxış” sayəsində Macarıstan “Avropada ən aşağı enerji qiymətlərinə malikdir”. (Tass)