ABŞ prezidenti Donald Tramp noyabrın 18-də Ağ Evdə Səudiyyə Ərəbistanının vəliəhdi və baş naziri Məhəmməd bin Salman Əl Səudu qəbul edəcək.Bu barədə noyabrın 3-də Reuters agentliyi Vaşinqton administrasiyasının rəsmisinə istinadən məlumat yayıb.
Nəşrdə qeyd edildiyi kimi, vəliəhd ABŞ-a Vaşinqtonun Ər-Riyadı İbrahim razılaşmalarına qoşulmağa sövq etdiyi bir vaxtda səfər edəcək. Ağ Ev hələlik səfərlə bağlı rəsmi açıqlama verməyib. Agentlik daha ətraflı məlumat verməyib.
Amerika administrasiyası dəfələrlə vurğulamışdır ki, o, Səudiyyə Ərəbistanının, ilk növbədə, İbrahim razılaşmalarına qoşulmasını təmin etməyə çalışır. (Tass )