Azərbaycanın Romadakı Mədəniyyət Mərkəzində Luiss Guido Carli Universitetinin Siyasi Elmlər Assosiasiyasının tələbələri ilə görüş keçirilib.
AZƏRTAC xəbər verir ki, təqdimatla çıxış edən Azərbaycanın İtaliyadakı səfiri Rəşad Aslanov ölkəmizin tarixi, regiondakı rolu və xarici siyasət prioritetləri, həyata keçirilən aktual regional enerji və nəqliyyat layihələri, həmçinin Azərbaycan və İtaliya arasındakı münasibətlər barədə məlumat verib. Təqdimatdan sonra səfir tələbələrin suallarını cavablandırıb.
Daha sonra Mədəniyyət Mərkəzi ilə tanışlıq olub, tələbələrə ölkəmiz haqqında müxtəlif kitablar təqdim edilib.
Siyasi Elmlər Assosiasiyası universitet tərəfindən tələbələri siyasi həyata cəlb etmək məqsədilə 1995-ci ildə yaradılıb və İtaliya parlamenti ilə fəal təmasdadır.