ABŞ dövlət katibi Marko Rubio bildirib ki, Vaşinqton Rusiyanın İrana qarşı hərbi əməliyyata mane olacaq heç bir hərəkətini müşahidə etmir. O, bu mövqeyini Fransada keçirilən G7 xarici işlər nazirlərinin görüşünün ardından jurnalistlərə açıqlamasında bildirib.
ABŞ Dövlət Departamentinin rəhbəri bildirib ki, “Mən bunu belə deyəcəyəm: Rusiya İranla bağlı əməliyyatımızı və ya onun effektivliyini pozacaq və ya təsir edəcək heç bir şey etmir”.
Xatırladaq ki, bir müddət əvvəl Rusiyanın xarici işlər naziri Sergey Lavrov “France Television”a verdiyi müsahibədə Rusiyanın ABŞ və İsraillə qarşıdurmada İrana kəşfiyyat məlumatı vermədiyini bildirmişdi. (Tass )