ABŞ Ukrayna münaqişəsinin həlli üçün danışıqlarda irəliləyiş əldə etmək üçün “mümkün olan hər şeyi etməyə” davam edəcək. Bunu ABŞ dövlət katibi və milli təhlükəsizlik müşaviri Marko Rubio Əbu-Dabidə keçirilən üçtərəfli görüşləri şərh edərkən mətbuat konfransında bildirib.
“Bu məsələ ilə bağlı deyə biləcəyim tək şey odur ki, biz (Amerika administrasiyası ) bu məsələyə çox yüksək səviyyədə xeyli vaxt və enerji sərf edirik. Bir irəliləyişin olub-olmadığını görmək üçün əlimizdən gələni etməyə davam edəcəyik”, – deyə xarici siyasət idarəsinin rəhbəri bildirib.
Onun sözlərinə görə, “silahlı münaqişələri həll edərkən bunu başa düşməlisiniz: bəzən gözlənilməz bir irəliləyiş əldə olunana qədər bu, çox vaxt ümidsiz bir cəhd kimi görünür.” Rubio qeyd edib ki, “Qəzza ilə bağlı da belə idi, bir çoxları vəziyyətin ümidsiz olduğunu düşünürdü, amma biz irəliləməyə davam etdik. Və sonra təsadüfən şərait yarandı və hər şey mümkün oldu. Və biz bu halda da mütləq bunu etməyə davam edəcəyik”. (Tass)