“The New York Times” qəzetinin məlumatına görə, Rusiya, ABŞ və Ukrayna nümayəndələri arasında Ukrayna böhranının həlli ilə bağlı Əbu-Dabidə keçiriləcək danışıqların ikinci mərhələsinin tarixi bir neçə gün təxirə salınıb.
Nəşr qeyd edib ki, Əbu-Dabidəki görüşün təxirə salınmasının səbəbi məlum deyil. Lakin qəzet vurğulayıb ki, bu, Rusiya Prezidentinin Xarici Ölkələrlə İnvestisiya və İqtisadi Əməkdaşlıq üzrə Xüsusi Nümayəndəsi və Rusiya Birbaşa İnvestisiya Fondunun rəhbəri Kirill Dmitriyevlə ABŞ Prezidentinin Xüsusi Elçisi Stiven Vitkoff arasında 31 yanvarda Florida ştatının Mayami şəhərində keçirilən danışıqlardan sonra baş verib.
Qeyd edək ki, Vladimir Zelenski daha əvvəl Rusiya və Ukrayna nümayəndələri arasında Əbu-Dabidə danışıqların 4 və 5 fevral tarixlərində keçiriləcəyini bildirmişdi. (Tass)