Rusiyanın Ermənistandakı səfiri Sergey Kopırkinin sözlərinə görə, Avropa İttifaqı Yerevanın Qərbin anti-Rusiya sanksiyalarına qoşulması halında Ermənistan iqtisadiyyatı üçün nəticələrini nəzərə almır.
Rusiyalı diplomat xatırladıb ki, 2025-ci ilin aprelində Ermənistanın Avropaya inteqrasiya kursu “Ermənistan Respublikasının Avropa İttifaqına qoşulmasının başlanması haqqında” qanun şəklində hüquqi əsas alıb.
Kopırkin “Noev Kovçeq” qəzetinə verdiyi müsahibədə qeyd edib ki, “Lakin, Rusiya rəhbərliyi tərəfindən dəfələrlə vurğulanıb ki, eyni vaxtda AİB-ə (Avrasiya İqtisadi Birliyi) və Aİ-yə üzvlük mümkün deyil. Eyni zamanda, Aİ-nin rəhbərliyi Aİ-nin Yerevanla münasibətlərini Ermənistanın müttəfiqi olan Rusiyaya “strateji məğlubiyyət” vurmaq planları kontekstində qələmə vermək niyyətlərini gizlətmir. Dekabrın 3-də Aİ-nin xarici işlər və təhlükəsizlik siyasəti üzrə ali nümayəndəsi Kaja Kallas Ermənistanın qanunsuz anti-Rusiya sanksiyalarına qoşulacağını gözlədiyini açıq şəkildə bildirib. Görünür, Brüssel bunun Ermənistan iqtisadiyyatı üçün hansı nəticələri yarada biləcəyini düşünmür.
Bu baxımdan, o qeyd edib ki, Rusiya Ermənistanın əsas ticarət, iqtisadi və investisiya tərəfdaşı, ölkənin enerji və ərzaq təhlükəsizliyinin zamanla sınaqdan keçirilmiş qarantı olaraq qalır. Səfir əlavə edib ki, Rusiya kapitalı respublika iqtisadiyyatının əsas sektorlarında: mədənçilik, energetika, metallurgiya, nəqliyyat və logistika, bankçılıq, informasiya və kommunikasiya texnologiyaları və digər sahələrdə geniş təmsil olunur.