Moskva və Pekin Tokionun sürətləndirilmiş yenidən hərbiləşdirilməsini sülh və sabitliyə ciddi təhdid hesab edirlər. Bu, iki ölkə liderləri arasında danışıqlardan sonra Rusiya və Çinin yaydığı birgə bəyannamədə vurğulanıb.
Sənəddə deyilir: “Yaponiyanın hazırkı sürətləndirilmiş yenidən silahlanma kursu regionda sülh və sabitliyə ciddi təhlükə yaradır və beynəlxalq ictimaiyyət və region ölkələri bundan dərin narahatlıq keçirir. Tərəflər Yaponiya hökumətini öz təcavüz tarixinin qeyri-insani səhifələrindən dərs çıxarmağa, İkinci Dünya Müharibəsinin nəticələrini tam olaraq qəbul etməyə və artıq dünya xalqlarına və Yaponiyanın özünə kədər və əzab gətirən yeni militarizmdən və yenidən silahlanmadan imtina etməyə çağırırlar.”
Moskva və Pekin İkinci Dünya Müharibəsi zamanı “yapon militaristləri tərəfindən törədilən, mülki əhaliyə qarşı ağlasığmaz qəddarlıq və terrorla müşayiət olunan müharibə cinayətlərinin” nəhəng miqyasını xatırlayırlar. (Tass)