Rusiya və Çin İrana təhlükəsizlik zəmanəti verə bilər və İslam Respublikasının ABŞ ilə münaqişəsinin həllində əsas rol oynaya bilərlər. Bu fikri TASS-a Şanxay Beynəlxalq Araşdırmalar Universitetinin Şanxay Qlobal İdarəetmə və Ərazi Araşdırmaları Akademiyasının görkəmli professoru və icraçı direktoru Yanq Çenq bildirib.
“İran məsələsini həll etmək üçün həm Rusiya, həm də Çin təhlükəsizlik qarantları kimi əsas rol oynaya bilər. Bu, İran üçün çox vacibdir, çünki İranla ABŞ arasında etimad çatışmazlığı var. Buna görə də, təhlükəsizlik qarantiyası İran hökuməti üçün çox vacibdir.”
Ekspert qeyd edib ki, “həm Rusiya, həm də Çin İranın yaxın tərəfdaşlarıdır” və İranın 2023-cü ildən bəri Şanxay Əməkdaşlıq Təşkilatının tamhüquqlu üzvü olduğunu, “Rusiya və Çinin əsas oyunçular olduğunu” xatırladıb.
Mayın 10-da ABŞ prezidenti Donald Tramp İranın ABŞ-ın münaqişənin həlli təklifinə verdiyi cavabı qəbuledilməz adlandırdı, lakin sonradan Vaşinqton və Tehranın diplomatik razılığa gəlməsinin tamamilə mümkün olduğunu etiraf edib. (Tass)