Rusiya ilə ABŞ arasında münasibətlərin normallaşması prosesi hər iki tərəfdən çox böyük səylər tələb edir, lakin nəticə təmin olunmur. Bunu “International Affairs” jurnalına müsahibəsində Rusiya Federasiyası xarici işlər nazirinin müavini Sergey Ryabkov deyib.
“Biz münasibətlərin inkişafı haqqında danışmazdan əvvəl ABŞ-la münasibətlərdə indi bir qədər açılmış imkan pəncərəsindən ən azı az-çox məqbul istifadəyə gəlməliyik. Bütün bunlar hər iki tərəfdən böyük diqqət və səy tələb edir və nəticəyə zəmanət verilmir”, – o qeyd edib.
Rusiya XİN rəhbərinin müavini əlavə edib ki, ABŞ-la münasibətləri inkişaf etdirmək “gələcək üçün bir vəzifədir”.
“Hələlik biz ən azı bu münasibətlərin nisbi normallaşmasından danışırıq”, – Ryabkov qeyd edib. (Tass )