Səudiyyə Ərəbistanı, Türkiyə və Pakistan birgə müdafiə müqaviləsi imzalayıblar. Bu müqaviləyə əsasən, ölkələrdən birinə edilən hücum bütün tərəflərə edilən hücum kimi qiymətləndiriləcək. Bu barədə “Əl-Ərəbiyyə” televiziya kanalı məlumat verib.
Məkkədə keçirilən sammitdən sonra yayımlanan birgə bəyanatda deyilir ki, “Saziş istənilən təcavüzə qarşı birgə çəkindirməni gücləndirməyə yönəlib və üç ölkədən birinə edilən istənilən silahlı hücumun hamıya hücum olduğunu nəzərdə tutur”.
Məkkə Qarşılıqlı Müdafiə Sazişi kimi tanınan sənədi Səudiyyə Ərəbistanı vəliəhdi Məhəmməd bin Salman Əl Səud, Türkiyə prezidenti Tayyib Ərdoğan və Pakistanın baş naziri Şahbaz Şərif imzalayıblar. (Tass)