2026-cı ilin birinci rübündə Azərbaycandan xaricə 1 milyard 109 milyon 851 min dollar investisiya yatırılıb.
Teleqraf xəbər verir ki, bu barədə Mərkəzi Bankın Statistika Departamentinin direktoru Samir Nəsirov 2026-cı ilin birinci rübü üzrə tədiyə balansının açıqlanmasına həsr olunan brifinqdə deyib.
O bildirib ki, yatırılan investisiyalar üzrə ilk beşlikdə Türkiyə, Böyük Brotaniya və Şimali İrlandiya Birləşmiş Krallığı, Gürcüstan, Özbəkistan və ABŞ dayanır:
“Bundan əlavə, hesabat dövründə Azərbaycan iqtisadiyyatına 1 milyard 720 milyon 136 min dollar birbaşa xarici investisiya cəlb olunub. İlk beşlikdə Böyük Britaniya və Şimali İrlandiya Birləşmiş Krallığı, Türkiyə, Kipr, Rusiya və İran dayanır”.