Türkiyədə erkən prezident seçkiləri 2027-ci ilin oktyabr ayından gec olmayaraq keçiriləcək. Bu barədə Türkiyənin əsas müxalifət partiyası olan Cümhuriyyət Xalq Partiyasının (CHP) lideri Özgür Özel bildirib.
“Seçkilər 2027-ci ilin oktyabr ayından gec olmayaraq keçiriləcək; Ankaradakı bütün əlamətlər buna işarə edir. Biz hər an seçkilərə hazır olmalıyıq, ona görə də onlara hazırlıq üçün kampaniya başlatırıq”, – deyə Anka xəbər agentliyi Türkiyə müxalifət liderinin sözlərini sitat gətirir.
Türkiyədə prezident və parlament seçkiləri 2028-ci ilin may ayında keçiriləcək. Analitiklər onların 2027-ci ilin sonlarında keçiriləcəyini istisna etmirlər, lakin Prezident Rəcəb Tayyib Ərdoğan dəfələrlə erkən seçkilərin hökumətin gündəliyində olmadığını bildirib. (Tass )