Təhsil Tələbə Krediti Fondunun “Elektron Təhsil Tələbə Krediti” rəqəmsal platforması dünyanın nüfuzlu rəqəmsal kommunikasiya müsabiqələrindən biri olan dotCOMM Awards 2026 çərçivəsində Qızıl Mükafata (Gold Award) layiq görülüb.
Fonddan AZƏRTAC-a bildirilib ki, bu uğur təhsil xidmətlərinin rəqəmsallaşdırılması, vətəndaşlara şəffaf və əlçatan xidmətlərin təqdim olunması istiqamətində həyata keçirilən fəaliyyətin beynəlxalq səviyyədə yüksək qiymətləndirilməsinin göstəricisi hesab olunur.
Mükafat Fondun rəqəmsal transformasiya sahəsində həyata keçirdiyi layihələrin, innovativ yanaşmasının və vətəndaşyönümlü xidmət modelinin beynəlxalq səviyyədə tanınmasının növbəti təsdiqi kimi dəyərləndirilir.
Qeyd edək ki, “Elektron Təhsil Tələbə Krediti” platforması təhsil tələbə kreditlərinin rəqəmsal formada rəsmiləşdirilməsi və idarə olunmasına xidmət edir.