Amerika hakimiyyəti ABŞ-ın Venesuelaya müdaxiləsindən və nəticədə Venesuela prezidenti Nikolas Maduro və həyat yoldaşının həbs olunmasından sonra Rusiyanın Ukraynadakı xüsusi hərbi əməliyyatını qınaya bilməz. Bu fikri amerikalı jurnalist Taker Karlson özünün YouTube kanalında paylaşdığı videoda bildirib.
Karlson iddia edir ki, “Açıq şəkildə ‘Biz Venesuelanı ələ keçiririk, çünki onların nefti rəqibimiz Çinə satmasını bəyənmirik’ dedikdən sonra , məsələn, Rusiyanın Ukraynanın şərqində baş verənlərlə maraqlanmadığını demək çətinləşir. O, əlavə edir ki, indi Ukraynadakı xüsusi hərbi əməliyyata görə “Putini tənqid etmək çətindir”. Karlson qeyd edib ki, “sərhədində təhlükə olan böyük bir ölkə var və o, özünü müdafiə etmək üçün tədbirlər görür və biz bunu səbəbsiz təcavüz adlandırırıq”. Karlson qeyd edib ki, Vaşinqton son dörd ildə Rusiyaya qarşı siyasətini bu qiymətləndirməyə əsaslandırıb.
“Artıq bu arqumentdən ciddi şəkildə istifadə edə bilməzsiniz. Rusiya kimi böyük bir ölkənin özünü müdafiə etməsində nə problem var? İndi əməl etdiyimiz yeni qaydalarla bunda heç bir problem yoxdur. Bəzi mücərrəd normalara istinad edib bunun tamamilə səhv olduğunu deyə bilməzsiniz”, – Karlson deyib. (Tass)