ABŞ Hərbi Hava Qüvvələrinə məxsus Boeing P-8A Poseidon sualtı qayıq əleyhinə patrul təyyarəsi yenidən İran sərhədinə yaxın Fars körfəzinin neytral suları üzərində uçur. Bu barədə TASS-a hava nəqliyyatının idarə olunması dairələrindəki mənbə bildirib.
Agentliyin mənbəsi bildirib ki, “Boeing P-8A Poseidon təyyarəsi bir daha Fars körfəzinin neytral suları üzərində, İran hava məkanına yaxın bir yerdə uçarkən qeydə alınıb”. O qeyd edib ki, təyyarə əvvəllər 19 fevralda bu ərazidə uçub və Oman körfəzinə də çatıb. “Bu gün o, təxminən 5500 metr hündürlükdə bir neçə saat Fars körfəzi üzərində olub, lakin ərazidən tranzit keçən mülki təyyarələrin istifadə etdiyi dəhlizlərdən kənarda uçur”, – deyə mənbə qeyd edib.
Hava nəqliyyatı dispetçerlərinin məlumatına görə, Boeing P-8A Poseidon təyyarəsi Bəhreyndəki aerodromdan havaya qalxıb. (Tass)