ABŞ Hərbi Hava Qüvvələrinə məxsus Boeing P-8A Poseidon sualtı qayıq əleyhinə patrul təyyarəsi İran sərhədi yaxınlığında, Fars körfəzi və Oman körfəzinin neytral suları üzərində müşahidə edilib. Bu barədə TASS-a hava nəqliyyatının idarə olunması dairələrindəki mənbə bildirib.
Agentliyin mənbəsi bildirib ki, “Boeing P-8A Poseidon sualtı qayıq əleyhinə patrul təyyarəsi İran hava məkanı yaxınlığında, Fars körfəzi və Oman körfəzi üzərində 6000 metrdən bir qədər yuxarı hündürlükdə uçarkən qeydə alınıb”. Mənbənin sözlərinə görə, Boeing P-8A təyyarəsi Bəhreyndəki aerodromdan havaya qalxıb.
Mənbə xatırladıb ki, son bir neçə gün ərzində bu ərazilərdə kifayət qədər geniş quru və dəniz ərazilərini izləyə bilən ABŞ Hərbi Hava Qüvvələrinə məxsus Northrop Grumman MQ-4C Triton pilotsuz təyyarəsi müşahidə olunub. Gündə 10-15 saat kəşfiyyat missiyaları həyata keçirən təyyarə, digər şeylərlə yanaşı, Boeing P-8 Poseidon kimi təyyarələri də tamamlaya bilər.