Avropa rəsmiləri ABŞ prezidenti Donald Trampın Ukraynaya qarşı səbrinin tükənməsindən və noyabr ayında keçiriləcək ABŞ Konqresinin ara seçkilərindən əvvəl Kiyevə təzyiqi artıra biləcəyindən narahatdırlar. Bu barədə The Guardian qəzeti adı çəkilməyən Avropa rəsmilərinə istinadən məlumat yayıb.
İki mənbəyə görə, Tramp bunu “geosiyasi qələbə” əldə etmək üçün edə bilər. Qəzetin mənbələri Vaşinqtonun Kiyevdən qoşunlarını Donbasdan çıxarmağı tələb edə biləcəyini bildirib.
Başqa bir Avropa rəsmisi nəşrə bildirib ki, “Trampın komandasının Ukraynaya qarşı səbri tükənir və tez bir həll yolu istəyir”. (Tass)