Qazaxıstan prezidenti Kasım-Jomart Tokayev 18-19 fevral tarixlərində Vaşinqtona işgüzar səfər edəcək və orada Qəzza Sülh Şurasının ilk iclasında iştirak edəcək. Bu barədə Qazaxıstan liderinin mətbuat xidməti məlumat verib.
“18-19 fevral 2026-cı il tarixlərində Dövlət Başçısı Qasım-Jomart Tokayev ABŞ Prezidenti Donald Trampın dəvəti ilə Sülh Şurasının təsis iclasında iştirak etmək üçün Vaşinqtona işgüzar səfər edəcək”, – deyə bəyanatda bildirilir.
Mətbuat xidməti qeyd edib ki, “zirvə toplantısında Qəzza zolağında vəziyyətin sabitləşdirilməsi, eləcə də regionda sülhün, təhlükəsizliyin və davamlı humanitar dəstəyin təmin edilməsi üçün praktik addımların hazırlanması müzakirə olunacaq”. Tokayevin həmçinin ABŞ-da Amerika şirkətlərinin nümayəndələri ilə bir sıra görüşləri planlaşdırılıb. (Tass)