Yaponiya, İtaliya və Böyük Britaniya altıncı nəsil qırıcı təyyarənin birgə hazırlanmasını sürətləndirəcəklər. Bu barədə Yaponiyanın Baş naziri Sanae Takaiçi İtaliyanın Baş naziri Giorgia Meloni ilə Romada danışıqlardan sonra bildirib.
“Qırıcı təyyarənin inkişafını sürətləndirmək üçün birlikdə çalışacağıq”, – deyə o bildirib. Takaiçi həmçinin vurğulayıb ki, o və Meloni yarımkeçiricilər və vacib minerallar üçün təchizat zəncirinin gücləndirilməsində əməkdaşlıq etmək barədə razılığa gəliblər.
2022-ci ilin dekabr ayında Birləşmiş Krallıq, İtaliya və Yaponiya altıncı nəsil döyüş təyyarəsinin birgə hazırlanması barədə razılığa gəldilər. Bu təyyarənin hazırda ABŞ-da hazırlanan qırıcı təyyarələrə alternativ kimi xidmət etməsi nəzərdə tutulur. Yaponiyanın Mitsubishi Heavy Industries, Britaniyanın BAE Systems və İtaliyanın Leonardo şirkətləri bu inkişafa rəhbərlik edirlər. Öz hava qüvvələrinə əlavə olaraq, qırıcıların digər ölkələrlə yanaşı, Avstraliyaya və ehtimal ki, Hindistan, Kanada, Səudiyyə Ərəbistanı və Sinqapura ixrac edilməsi nəzərdə tutulurdu. Məlumata görə, Almaniya bu yaxınlarda layihəyə maraq göstərib. (Tass)