ABŞ İranla danışıqların nəticəsindən asılı olmayaraq, İslam Respublikasının yüksək zənginləşdirilmiş uran ehtiyatlarını ələ keçirmək niyyətindədir. Bu barədə ABŞ prezidenti Donald Tramp məlumat verib.
O, NBC News-a verdiyi müsahibədə deyib: “Biz [uran üçün] onlarla və ya onlarsız gələcəyik. Və heç kim bizə atəş açmayacaq. Əgər razılaşma əldə etməsək, onları çox sərt şəkildə, hərbi yolla məhv edəcəyik.”
“Əgər razılığa gəlsək və hər şey yaxşı gedərsə, [İranla] birlikdə işləyəcəyik. Avadanlıqlar bizim olacaq. Biz onu [uranı] çıxarıb ya yerində məhv edəcəyik, ya da bir yerə daşıyacağıq”, – deyə o bildirib. (Tass)