Amerika Prezidenti Donald Tramp ABŞ və İran rəsmilərinin İslam Respublikasından zənginləşdirilmiş uranı çıxarmaq üçün birlikdə çalışacaqlarını bildirib.
CBS-ə verdiyi müsahibədə , uranı çıxarmaq üçün İrana Amerika qoşunlarının yerləşdirilib-yerləşdirilməyəcəyi sualına prezident “Xeyr, qoşun yoxdur” cavabını verib. “Gəlib onu özləri ilə aparacağıq. Birlikdə çıxaracağıq, çünki bu vaxta qədər razılaşmalar əldə edilmiş olacaq və razılaşmalar əldə edildikdə döyüşməyə ehtiyac qalmayacaq”, – deyə o əlavə edib.
“Xalqımız onu əldə etmək üçün iranlılarla birlikdə çalışacaq. Daha sonra isə onu ABŞ-a gətirəcəyik”, – deyə Amerika lideri əlavə edib və iki tərəfin bu həftə sonu görüşmək niyyətində olma ehtimalını qeyd edib.