ABŞ prezidenti Donald Tramp 24 iyul tarixinə təyin edilmiş Ağ Ev Müxbirləri Assosiasiyasının qəbulunda çıxış edəcəyini açıqladı.
Tramp Truth Social-da paylaşım edərək, 25 apreldə atışma səbəbindən qısaldılmış qəbulun yeni tarixinin elan edilməsini alqışlayıb. “Ağ Ev Müxbirləri Assosiasiyasının sədri Jiang Weijia məndən iştirak etməyi və çıxış etməyi istədi və mən də razılaşdım. Xüsusilə müəyyən insanlar haqqında eyni, çox xoşagəlməz açıqlamalar verib-verməyəcəyimi bilmirəm, amma tezliklə biləcəyik”, – deyə Amerika lideri yazıb.
Trampın sözlərinə görə, qəbul Amerika paytaxtının mərkəzində, əvvəllər onun şirkətinə məxsus olan The Waldorf Astoria otelində keçiriləcək.
Assosiasiyanın sədri əvvəllər ölkə prezidentinin və ABŞ administrasiyasının digər nümayəndələrinin iştirak edib-etməyəcəyini dəqiqləşdirmədən qəbulun 24 iyulda baş tutacağını bildirmişdi. (Tass)