İspaniya Şimali Atlantika Müqaviləsi Təşkilatına (NATO) mənfi təsir göstərir və Vaşinqton, əvvəllər xəbərdarlıq edildiyi kimi, Madridlə ticarəti dayandıra bilər. Bu açıqlamaları ABŞ prezidenti Donald Tramp verib.
Vaşinqton administrasiyasının rəhbəri Ohayo və Kentukkiyə işgüzar səfərə getməzdən əvvəl Ağ Evin Cənub Çəmənliyində jurnalistlərlə söhbətində deyib: “İspaniyanın nə etdiyini bilmirəm. Onlar NATO ilə çox pis iş görürlər. Onlar qorunur, amma alyansın kollektiv müdafiəsinə öz paylarını vermək istəmirlər. Və onlar bunu illərdir edirlər”.
O, İspaniya hakimiyyətinin Vaşinqton tərəfindən Madridə qarşı səsləndirilən tənqidlərə cavab vermək üçün Amerika hökuməti ilə əməkdaşlıq edib-etməməsi sualını təkzib edib. “Xeyr, onlar əməkdaşlıq etmirlər. Düşünürəm ki, onlar – İspaniya – heç əməkdaşlıq etmirlər. Onlar çox pis davranırlar. Biz İspaniya ilə ticarət əlaqələrini kəsə bilərik”, – deyə prezident bildirib. “İspaniyadakı insanlar fantastikdir, amma rəhbərlik o qədər də yaxşı deyil”, – deyə o əlavə edib. (Tass)