ABŞ prezidenti Donald Tramp Braziliya prezidenti Luiz İnasio Lula da Silva ilə telefon danışığında ticarət, tariflər və cinayətlə mübarizədə əməkdaşlığı müzakirə etdiyini bildirib.
“Braziliya prezidenti Lula [da Silva] ilə çox məhsuldar telefon danışığım oldu. Digər məsələlərlə yanaşı, biz ticarət, mütəşəkkil cinayətkarlıqla mübarizədə ölkələrimiz arasında əməkdaşlıq imkanları, müxtəlif Braziliya rəsmilərinə tətbiq edilən sanksiyalar, tariflər və digər müxtəlif məsələləri müzakirə etdik”, – Tramp Truth Social-da yazıb.
Tramp qeyd edib ki, o və Lula da Silva “uzun müddət ərzində çox yaxşı dialoq və razılaşmanın əsasını qoyublar”. “Mən onu tezliklə görüb onunla danışmağı səbirsizliklə gözləyirəm. Bu yeni tərəfdaşlıq çox şey gətirəcək”, – Tramp görüşün nə vaxt keçiriləcəyini açıqlamayıb. Çərşənbə axşamı günü Tramp jurnalistlərə bildirib ki, braziliyalı həmkarı ilə telefon danışığından həzz alıb. (Tass)