ABŞ prezidenti Donald Tramp deyib ki, Fransa lideri Emmanuel Makronun Parisin Fələstin dövlətini tanımağa hazır olması ilə bağlı sözlərinin heç bir əhəmiyyəti yoxdur.
“Bu açıqlamanın heç bir çəkisi yoxdur. O, yaxşı oğlandır, mənim ondan xoşum gəlir. Amma bu açıqlamanın heç bir çəkisi yoxdur”, – Tramp jurnalistlərə Makronun sözlərini şərh etmək istəyəndə deyib. Amerika lideri Ağ Evin Cənub Qazonunda onlarla danışıb.
İyulun 24-də Fransa prezidenti BMT Baş Assambleyasının sentyabrda keçiriləcək sessiyasında ölkəsinin Fələstin dövlətini rəsmən tanıyacağını bəyan edib. (Tass)