Amerika Prezidenti Donald Tramp WABC radiosuna verdiyi müsahibədə ABŞ Prezidenti vəzifəsində ikinci müddətinin əvvəlindən bəri doqquzuncu münaqişənin yaxın gələcəkdə həll olunacağını gözlədiyini bildirib.
“İkinci müddətə namizəd olduğum zaman (ikinci müddətə ) səkkiz müharibənin olduğunu bilmirdim, bu barədə heç düşünməmişdim də, amma sonda səkkiz müharibənin həlli ilə nəticələndi və doqquzuncusu artıq yoldadır”, – deyə o, hansı münaqişədən danışdığını dəqiq göstərmədən bildirib.
Amerika lideri bildirib ki, münaqişələrin sülh yolu ilə həlli onun üçün “ikinci təbiətə” çevrilib. O, həmçinin Rusiya prezidenti Vladimir Putinlə söhbətlərindən birini xatırladıb və bu söhbət zamanı Rusiya liderindən Ukrayna böhranını həll etməyə icazə verməsini istəyib. “Hazırda bununla maraqlanıram; bunu həyata keçirmək üçün cəhdlər edilir”, – deyə o əlavə edib. (Tass)