NATO üzv ölkələri Hörmüz boğazının açılmasında və gəmilərin bu su yolundan təhlükəsiz keçidinin təmin edilməsində ABŞ və İsrailə kömək etmək məcburiyyətində deyillər. Bu fikri Türkiyənin ticarət naziri Ömər Bolat ” Euronews” a verdiyi müsahibədə bildirib.
O, bu məsələ ilə bağlı suala cavab olaraq bildirib ki, “hələlik bunun əlamətləri yoxdur”. Türkiyənin ticarət nazirinin sözlərinə görə, NATO ölkələri İranla bağlı “son dərəcə vacib” münaqişə fonunda “susmağı” seçiblər, çünki “heç kim NATO üzvləri ilə İrana hücum edib-etməmək barədə məsləhətləşmə aparmayıb”.
Bolatın qeyd etdiyi kimi, ittifaq ölkələri ABŞ və İsrailin İslam Respublikasına qarşı əməliyyatının qısamüddətli olacağını gözləyirdilər. “Onlar öz iqtisadiyyatları və ya qlobal iqtisadiyyat üçün son dərəcə mənfi nəticələri nəzərə almırdılar. Onlar hesab edirdilər ki, bu əməliyyat NATO-nun və ya bütün dünyanın xeyrinə deyil, yalnız İsrailin maraqları naminə həyata keçirilir”, – deyə nazir vurğulayıb. (Tass)