Polşanın baş naziri Donald Tusk İsrailin Qəzza zolağındakı hərəkətlərini cinayət adlandırıb.
“Cinayətlər öz adları ilə çağırılmalıdır. Uşaqların öldürülməsi və ya aclıq üçün heç bir bəraət yoxdur”, – Tusk TVP Info tərəfindən yayımlanan mətbuat konfransında deyib.
“Qəzza zolağında baş verənlər qətiyyən qəbuledilməzdir. Bu, İsrail dövlətinin terrorizmlə mübarizədə səylərinin imicini və bütün tarixini məhv edir”, o əlavə edib. Tusk vurğulayıb ki, Varşava həmişə İsrailin terrorizmlə mübarizəsini dəstəkləyib, lakin Yaxın Şərq hökumətinin hazırkı hərəkətləri “beynəlxalq ictimaiyyətin səylərini puça çıxarır”.
2023-cü ilin oktyabr ayından İsrail Qəzza zolağında hərbi əməliyyatlar aparır, nəticədə 65,200-dən çox insan həlak olub, 166,000-dən çox mülki şəxs yaralanıb. Sentyabrın 21-də Avstraliya, Böyük Britaniya və Kanada hökumət başçıları Fələstin dövlətçiliyini tanıdıqlarını elan etdilər. Portuqaliyanın xarici işlər naziri daha sonra eyni şeyi etdi. Polşa 1988-ci ildə Fələstin Dövlətini tanıyıb. (Tass)