Vladimir Zelenski bir neçə Rusiya şirkətinə və fərdinə qarşı sanksiyalar tətbiq edib. Bu barədə Zelenskinin saytında məlumat verilib.
Siyahıda 53 hüquqi şəxs və 47 fiziki şəxs var. Bu təşkilatlar arasında “S-300 və S-400 sistemləri, Topol, Yars və İskəndər ballistik raketləri, yanacaq, raket yanacağı və sursat komponentləri üçün malların tədarükü ilə məşğul olan” şirkətlər də var.
Bəyanatda deyilir: “Həmçinin, elektron kəşfiyyat avadanlığı istehsal edən Rusiya şirkətləri, xüsusi avadanlıq daşıyan təyyarələr və sanksiyalardan yayınmaq üçün yüksək dəqiqlikli sənaye avadanlığı və elektron komponentlərin tədarükü ilə məşğul olan şirkətlər sanksiyalar altındadır”.