ÜST-ün baş direktoru Tedros Adhanom Qebreyesus bildirib ki, ABŞ-ın gələn həftə Ümumdünya Səhiyyə Təşkilatından (ÜST) çıxmaq qərarı həmin ölkənin və bütün dünyanın təhlükəsizliyini təhdid edir.
Cenevrədə keçirilən brifinqdə bildirdiyi kimi, bu qərar təkcə ABŞ üçün itki deyil, həm də “ABŞ-ın və dünyanın qalan hissəsinin təhlükəsizliyini risk altına qoyur”.
21 yanvar 2025-ci ildə ABŞ Prezidenti Donald Tramp, digər ölkələrlə müqayisədə qeyri-mütənasib yüksək töhfələr verdiyini əsas gətirərək, ABŞ-ın ÜST-dən çıxması barədə sərəncam imzaladı. ABŞ-ın ÜST-dəki üzvlüyü, ABŞ-ın müvafiq bildirişi təşkilatın nizamnaməsinin depozitarisi kimi BMT Baş katibinə göndərməsindən bir il sonra, 22 yanvar 2026-cı ildə rəsmi olaraq dayandırılacaq. (Tass)