Çin Rusiya ilə strateji tərəfdaşlığını inkişaf etdirməyə davam edəcək. Bu barədə Çinin xarici işlər naziri Vanq Yi bildirib.
O, vurğulayıb ki, hazırda “qlobal vəziyyət dünyanın hara doğru getdiyi sualına cavab tələb edir”. “Cavabımız qətidir: sizinlə birlikdə ən yüksək səviyyədə əldə edilən razılaşmaları rəhbər tutacaq və müstəqil, özünü təmin edən inkişaf, eləcə də hərtərəfli strateji tərəfdaşlıq və əməkdaşlıq yolu ilə gedəcəyik. Həmçinin əlaqələrimizi genişləndirmək üçün səy göstərəcəyik”, – Vanq Yi ŞƏT Xarici İşlər Nazirlərinin Görüşü çərçivəsində keçirilən Rusiya xarici işlər naziri Sergey Lavrovla görüşdə bildirib.
Çinli nazir Rusiyaya bu ilin sentyabr ayında keçiriləcək parlament seçkilərində uğurlar arzulayıb.