ABŞ Prezidenti Donald Trampın xüsusi nümayəndəsi Stiven Vitkoff Amerika liderinin Qəzza sülh planının ikinci mərhələsinin başlandığını elan edib.
O, X-də yazıb: “Bu gün Prezident Tramp adından Prezidentin Qəzzadakı münaqişəyə son qoymaq üçün 20 maddəlik planının II mərhələsinin başlandığını elan edirik. Bu plan atəşkəsdən demilitarizasiyaya, texnokratik idarəetməyə və yenidənqurmaya keçid mərhələsidir”.
Onun sözlərinə görə, Qəzza sülh prosesinin ikinci mərhələsi keçid Fələstin Muxtariyyətinin yaradılmasını əhatə edəcək. Bundan əlavə, anklav silahsızlaşdırılacaq və onun yenidən qurulmasına başlanılacaq. (Tass)