Avropa Komissiyasının sədri Ursula fon der Leyen Aİ-nin Çindən kritik xammaldan asılılığını azaltmaq üçün yeni təşəbbüsün həyata keçirildiyini açıqlayıb.
“Məqsəd qısa, orta və uzunmüddətli perspektivdə Avropa sənayemiz üçün kritik xammalın alternativ mənbələrinə çıxışı təmin etməkdir”, o, Berlində keçirilən Berlin Qlobal Dialoq konfransında bildirib. Yeni layihə Aİ-nin Rusiya qazından asılılığına son qoymağa yönəlmiş REPowerEU proqramına istinad edərək RESourceEU adlanacaq.
Konkret olaraq, fon der Leyen təşəbbüsün Avstraliya, Qazaxıstan, Kanada, Özbəkistan, Ukrayna və Çili kimi ölkələrlə xammal tədarükü və emalı sahəsində tərəfdaşlıq əlaqələrinin genişləndirilməsini nəzərdə tutduğunu söylədi. “Biz birgə satınalmalardan tutmuş ehtiyatın yığılmasına qədər hər şeyə diqqət yetirəcəyik. Biz burada Aİ-də mühüm xammalın istehsalı və emalı üzrə strateji layihələrə investisiyaların yatırılmasını təşviq edəcəyik”, – Avropa Komissiyasının rəhbəri bildirib.